Shtëpia / Sociale /  Nxënësit e tre shkollave i bashkohen nismës “Dhuro pemë për Tiranën” (Foto)

 Nxënësit e tre shkollave i bashkohen nismës “Dhuro pemë për Tiranën” (Foto)

Nxënësit e shkollave “Qemal Stafa”, “Servete Maçi” dhe “Partizani” iu bashkuan aksionit të Bashkisë së Tiranës për mbjelljen e pemëve, me dëshirën për të shtuar gjelbërimin në qytet, por edhe për të dhënë shembullin e bukur se të gjithë duhet të kujdesemi për mjedisin.

Të vetëorganizuar për të kontribuar për qytetin e tyre, nxënësit dhuruan dhe mbollën disa fidanë të rinj pranë Amfiteatrit te Liqeni Artificial. Madje, nxënësit e shkollës së mesme “Qemal Stafa” ia dedikuan pemët një prej shoqeve dhe mësueses së tyre, duke ua bërë edhe më të veçantë ditëlindjen.

Kreu i Bashkisë së Tiranës, Erion Veliaj falenderoi të rinjtë që iu bashkuan nismës, e cila i afron ata më shumë me natyrën. “‘Qemal Stafa’ na ka nderuar gjithmonë: Ne rregulluam shkollën, palestrën, shtuam klasat dhe nga ai moment ‘Qemal Stafa’ vetëm na ka nderuar me mësimet. Është një nga shkollat më të mira në republikë, për vite me radhë vazhdon me 10-ta, për të treguar se e ardhmja është te këta çuna dhe goca që janë të shkëlqyer në mësime, por siç e pamë edhe sot, të shkëlqyer edhe në shoqëri”, u shpreh Veliaj.

Ai shtoi se nisma të tilla të suksesshme synojnë që t’i lënë gjeneratës së ardhshme si pajë më shumë gjelbërim. “Do të thotë të kuptojmë natyrën, të kuptojmë se i kemi lidhur fatet bashkë, se kjo është një pajë për gjeneratën tjetër, se pemët e mëdha u mbollën nga prindërit e tyre kur ata ishin nxënës, kurse ata duhet të mbjellin tani për të ardhmen, për të gjithë ata që janë fëmijë sot. I jam shumë mirënjohës drejtoreshës, i uroj gëzuar ditëlindjen edhe zyshës së dalluar, edhe nxënëses ekselente sepse nuk ka mënyrë më të bukur për ta festuar ditëlindjen se  sa duke mbjellë pemë të bukura në hyrje të amfiteatrit”, deklaroi Veliaj.

#td_uid_1_5c6c6195de1c8 .td-doubleSlider-2 .td-item1 {
background: url(http://gazeta-shqip.com/lajme/wp-content/uploads/2019/02/Veliaj-gjate-mbjelljes-se-pemeve-me-nxenesit-e-shkollave-5-80×60.jpg) 0 0 no-repeat;
}
#td_uid_1_5c6c6195de1c8 .td-doubleSlider-2 .td-item2 {
background: url(http://gazeta-shqip.com/lajme/wp-content/uploads/2019/02/Veliaj-gjate-mbjelljes-se-pemeve-me-nxenesit-e-shkollave-3-80×60.jpg) 0 0 no-repeat;
}
#td_uid_1_5c6c6195de1c8 .td-doubleSlider-2 .td-item3 {
background: url(http://gazeta-shqip.com/lajme/wp-content/uploads/2019/02/Veliaj-gjate-mbjelljes-se-pemeve-me-nxenesit-e-shkollave-4-80×60.jpg) 0 0 no-repeat;
}
#td_uid_1_5c6c6195de1c8 .td-doubleSlider-2 .td-item4 {
background: url(http://gazeta-shqip.com/lajme/wp-content/uploads/2019/02/Veliaj-gjate-mbjelljes-se-pemeve-me-nxenesit-e-shkollave-1-80×60.jpg) 0 0 no-repeat;
}

Duke theksuar se Tirana është shumë pranë rekordit të vjetshëm për mbjelljet, ai u bëri thirrje qytetarëve, institucioneve dhe bizneseve të ndryshme që të bëhen pjesë e aksionit për shtimin e gjelbërimit në kryeqytet.

“Dua t’i ftoj të gjitha shkollat, institucionet, kompanitë, Tirana ka pasur këtë vit një jehonë të jashtëzakonshme për çështje të gjelbërimit dhe të pastrimit. Qyteti nuk bëhet më i pastër duke u ankuar, por duke lënë makinën në shtëpi, duke dalë në natyrë, duke ulur ndotjen, duke mos hedhur plehra dhe duke shtuar gjelbërimin. Po i afrohemi rekordit tonë të vjetshëm dhe mezi pres që ta kalojmë në 2 muajt e ardhshëm dhe dua t’i ftoj të gjithë të na japin një dorë. Një pemë sot, është një pajë oksigjeni për të gjithë gjeneratën e ardhshme”, theksoi Veliaj.

Drejtoresha e shkollës ‘Qemal Stafa’, Nina Guga, vlerësoi nismën e Bashkisë së Tiranës për mbrojtjen e mjedisit dhe për transformimin që ka pësuar Parku i Liqenit. “Është i dyti vit që nxënësit e gjimnazit “Qemal Stafa” i bashkohen nismës për të mbjellë një pemë. Sigurisht, është në mbrojtje të mjedisit dhe pasurimit të këtij parku fantastik, i cili është gjelbëruar kaq shumë dhe duam të japim kontributin tonë”, tha Nina Guga.

Shiko dhe këto

Debati për fidanishten e UBT, Rama si Veliaj: Shkolla “Nënë Tereza” do bëhet!

Kryeministri Edi Rama i ka shprehur mbështetjen kreut të Bashkisë Erjon Veliaj për ndërtimin e …