Shtëpia / Sport / Barcelona bën ligjin në ‘shtëpinë’ e Realit, fitore historike

Barcelona bën ligjin në ‘shtëpinë’ e Realit, fitore historike

Barcelona i bëhet makth Realit të Madridit më sfidat më delikate të sezonit. Vetëm tri ditë pasi e nxori nga Kupa e Mbretit, skuadra “blaugrana” e mposhti edhe në “La Liga”, duke e nxjerrë ndoshta përfundimisht nga gara për titullin kampion. Skuadra e Valverdes kryeson kampionatin me 60 pikë, 12 më shumë se Reali dhe 10 me tepër se Atletico, që do të luajë këtë të diel me Real Sociedadin.

“Bualgranave” u mjaftoi goli i Ivan Rakiticit në pjesën e parë për t’i mposhtur për herë të tretë “Los Blancos” në katër El Clasico-t e këtij sezoni. Ashtu si në Kupë Reali ushtroi presion sidomos në fillim të pjesës së parë, po pa qene rezultativ para portës.

Ky sukses është historik për “blaugranat”, që për herë të parë pas 87-vitesh parakalon në statistika Realin në ndeshjet direkte. Para kësaj sfide të dyja skuadra kishin nga 95 fitore secila, tashmë Barça ka një sukses më shumë. Për herë të fundit Barcelona kishte statistikat më të mira se Reali në përballjet direkte në vitin 1932.

Shiko dhe këto

Interi bën goditjen e parë në merkato, trajneri Conte duket i kënaqur

Ashraf Hakimi është lojtari më i ri i Interit. Marokeni sot zbriti në Milano për …