Shtëpia / Sport / Çelsi fiton dhe ndez shpresat për vendin e katërt (Video)

Çelsi fiton dhe ndez shpresat për vendin e katërt (Video)

Në Premier League, përtej duelit të titullit mes Manchester City-t dhe Liverpoolit, ka edhe një garë të ashpër për vendin e katërt, pozicioni i fundit që të jep mundësinë për të luajtur në Champions League sezonin e ardhshëm.

Fitorja e Chelsea-t 1-2 në fushën e Fulhamit e ndez edhe më shumë situatën, pas tre ekipet e mëdha. Manchester United, Arsenali dhe blutë e Londrës kanë respektivisht 58, 57 dhe 56 pikë.Gonzalo Higuain dhe Jorginho, dy lojtarë të afruar nga Seria A me këmbënguljen e Sarrit e nderuan teknikun toskan në këtë derbi të Londrës, duke e bërë të pavlefshëm golin e barazimit të përkohshëm të shënuar nga Chambers.

Për Chelsea-n kjo ishte fitorja e dytë radhazi, që kthen disi qetësinë pas disa rezultateve aspak të pëlqyeshme, që kulmuan me humbjen me 11-metërsha ndaj Manchester City-t në finalen e Carabao Cup.

Me 11 javë të mbetura në Premier League, Skuadra e Sarrit i ka të gjithë shanset për të shpëtuar një sezon, që mori të tatëpjetën brenda pak javësh.

(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = ‘https://www.scorebat.com/embed/embed.js?v=m2to’; fjs.parentNode.insertBefore(js, fjs); }(document, ‘script’, ‘scorebat-jssdk’));

Shiko dhe këto

Interi bën goditjen e parë në merkato, trajneri Conte duket i kënaqur

Ashraf Hakimi është lojtari më i ri i Interit. Marokeni sot zbriti në Milano për …