Shtëpia / Politika / Vaksina e detyrueshme për administratën, Rama: Masat tona janë të buta, nuk marrim njeri me forcë, ama kush nuk do, nuk hyn në auditore dhe ambiente publike

Vaksina e detyrueshme për administratën, Rama: Masat tona janë të buta, nuk marrim njeri me forcë, ama kush nuk do, nuk hyn në auditore dhe ambiente publike

Kryeministri Edi Rama ka vizituar sot qendrën shëndetësore nr. 1 në kryeqytet, ku ka rifilluar dhe shërbimi për kontrollin mjekësor bazë (Check up).

Ai ka bërë thirrje dhe njëherë për vaksinimin e qytetarëve, ndërsa tha se vaksina do të jetë e detyrueshme dhe për punonjësit e administratës.

Rama tha se personat e shëndetshëm nuk kanë se pse të rrezikohen nga njerëz që besojnë në teori konspirative, ndërsa thirrja iu drejtua kryesisht studentëve. Rama përsëriti dhe njëherë tjetër vendimin që asnjë student nuk do të lejohet që të jetë pjesë e auditoreve në rast se refuzon marrjen e vaksinës, dhe shtoi se kostot për secilin do të jenë personale.

Rama tha se masat që po ndërmerren në Shqipëri janë më të buta se vendet e tjera.

“Gjëja që duhet përsëritur që duhet të kuptohet nga të gjithë, probabiliteti i infktimit në radhët e të vaksinuarve është e ulët, dhe të mbron nga rastet e rëndë. Tjetra që është shumë e rëndësishme, studebntët që nuk do të vaksinohen nuk do të hyjnë në auditore. Pjesë e shëndetshme nuk mund të rrezikohet nga ata njerëz që besojnë te teoritë konsirative, askush nuk do ti marrë me forcë, por nuk mund të qëndrojnë në të njëjtat ambiente.

E njëjta gjë vlen dhe për mësuesit, e njëjta gjë vlen dhe për administratën, aty ku janë mjedise publike ke detyrimin të vaksinohesh për të tjerët. Në fund të ditës nuk mund të kërcënosh të tjerët. Ne kemi shtrirë shumë shpejt vaksinimin masiv, ndaj dhe jemi shumë më të mbrojtur sot, nëse ne nuk do të kishim siguruar vaksina, ne do të numëronim larg qoftë sot dhjetra të vdekur.

Ne nuk mund të hyjmë në situata të rrezikshme, për shkak të atyre që thonë jo po Bill Gates jo po George Soros, të tjerët ta bëjnë mësimin online, dhe të mbajnë përgjegjësi për veprimet e tyre. Gjithë bota po i bën, në këtë rast ne e kemi më të butë si masë, nuk do vazhdo. Në mjedise ku të tjerët duan të mësojnë, të punojnë ti nuk hyn dot”, tha Rama.

j.l./ dita

j.l./ dita

Shiko dhe këto

“Kjo ditë nuk është e lehtë për PD”/ Ironia e Ramës me opozitarët: Duhet të kemi respekt për traumat e të tjerëve

Kryeministri Edi Rama i është përgjigjur kryedemokratit Lulzim Basha, i fundit ky që pak më …